أخطبها من أهلها الأصلا الطيبين
أخطبها من كل واحد عرقه عالجبين
بيصحى م الفجر تكاله على الرحمن
و ميعرفش حيرجع لبيته بقرش و لا حينام جعان
أخطبها من ناسها دول ياما بالملايين
بس يا خسارة العين بصيرة و الإيدين متكتفين
يعنى يا ابنى متحطش أمل ف جهاز و لا فرش و لا حتى خزين
و ان كنت راجل بجد خلصها م الكوابيس
تلقاها صبية زغردت و رضيت بيك عريس
و عجبى

السيد مجاهد
واحد من أهل العروسة مصرنا المحروسة